КҮЙ КҮМБІРІ

Алматы қаласы Бостандық ауданы әкімінің аппараты, Бостандық аудандық Білім бөлімінің қолдауымен және №3 Оқушылар үйінің ұйымдастыруымен бүгін - 20 наурыз күні сағат 11.00-де "Тұңғыш Президент саябағында" Наурыз мерекесіне орай «КҮЙ КҮМБІРІ» атты республикалық домбырашылар челленджі өтті. Челленджге аудан мектептері мен оқушылар үйінен 1000-ға жуық оқушы, 90 педагог, 150 ата-ана қатысты. Шара барысында домбырашылар бір уақытта домбыра тартып, ауданымызды күй күмбіріне бөледі. 

Ғасырларды жалғаған қоңыр домбыра үні аудан көгінде дәстүрлі түрде шырқалып келеді.  1000-ға жуық адам қатысқан ауқымды шара Бостандық ауданында осымен екінші рет ұйымдастырылып отыр.

Бұл домбыра челлендждің негізгі мақсаты – жас ұрпақты ұлттық өнерге баулу, ұлттың мәдени мұрасын бала бойына дарыту, салт-дәстүрімізбен үндескен домбыра аспабын кеңінен насихаттау.