Мың бұралған биімен тамсандырды
2022 жылдың 13 маусымында Алматы қаласы Білім басқармасы №3 Оқушылар үйінің өнерлі қыздары тал шыбықтай мың бұрала билеп, көпшілікті тамсандырды. Осы жолы Алматы қаласындағы ҚР Ұлттық кітапханасында кітапхана директоры Бақытжамал Қайырбекқызы Оспановаға 60 жылдық мерейтойына ерекше құрмет көрсетілді. Салтанатты іс-шараны жетекшісі Елена Александровна Гапчук, концертмейстер Гульнара Умарбековна Тультаева бастаған «Апельсин» би студиясының ересектер тобының биші қыздары «Вальс» биімен ашып берді.
Еліміздің кітапхана саласына айрықша үлес қосқан ардақты тұлғаның мерейтойында бірнеше байқауларға қатысып, өнері шыңдалған қыздар әсем билерімен сахнаның көркін келтірді.
Мерейтойға достас елдерден келген көптеген маңызды қонақтары мен делегациялары қатысты.
