08
июль
2022
Би байқауы
Бүгін №3 Оқушылар үйінде «Күн әлемі» халық би ансамблінің жетекшісі Әлімбетова Меруерт Әбдісәлімқызының ұйымдастыруымен би үйірмесіне қатысатын қыздар арасында «Әлем халықтарының билері» атты байқауы өткізілді. Үйірме жетекшісі байқаудың екі қатысушысына өздерінің би таланттарын көрсетуді ұсынды. Би шоуында әр биші өз шеберлігін көрсетіп, тартысты бәсекеге түсті.
Бишілер байқауының өту форматы да өз алдына ерекше болды. Бірінші кезеңде олар өздерінің сүйікті стилінде дайындалған биді көрсетті, ал екінші кезеңде үйірме жетекшісі көрсеткен жаңа би қимылдарын тез үйренуге тура келді. Үшінші кезеңде – биші қыздарымыз еркін стильде билеп берді. 
Сайысқа түскен қатысушылар өздері таңдаған ұлттың тұрмысын, табиғатын, мінез-құлқын,салт-дәстүрін, тұрмыс-тіршілігін қимыл-қозғалыс арқылы ырғақты көрсете алды.
Жас бишілер қазақтың ұлттық билерінен басқа орыс, өзбек ұлтының билері мен заманауи билерді мың бұрала биледі. Балаларды шаттыққа бөлеген би додасы қызықты өтті.
