АУДАНДЫҚ ТӘЛІМГЕРЛЕР ШТАБЫ 40 ЖЫЛДЫҚ МЕРЕЙТОЙЫН АТАП ӨТТІ!

 Коммунальное Управления образования №3 Оқушылар үйінің «Комиссарлар» аудандық тәлімгерлер штабы 40 жылдық мерейтойын атап өтті! 40 жыл бойы штабқа ҚР оқу-ағарту саласының үздігі, «Құрмет» орденінің иегері Исакова Светлана Евгеньевна жетекшілік етті. Светлана Евгеньевнаның еңбек жолы оқушыларға өз армандарына адал болудың, табандылық пен еңбекқорлықтың үлгісі бола білді. 
 «Комиссарлар» штабы алғаш өз жұмысын Калинин ауданы пионерлерлерін тәрбиелеумен бастаған болатын.  Штаб белсенді-комсомолшыларды тәлімгерлікке баулумен айналысқан еді.  Штаб жанынан құрылған «Синегория», «Связист» лагерлері штаб оқушыларының шығармашылығы мен педагогикалық қабілеттерін шыңдайтын мектеп бола білді. Мұнда балалар өз әрекетіне жауапкершілікпен қарауды, қайсарлық пен табандылықты үйреніп, адал достар мен аяулы ұстаздар тапты. 40 жыл ішінде штаб қабырғасынан түлеп ұшқан 1000 нан астам түлек өмірден өз жолын қалыптастыра білді. Олардың арасында түрлі мамандық иелері: мұғалімдер мен инженерлер, дәрігерлер мен әртістер, заңгерлер мен аниматорлар бар. Өмір жолын сан-түрлі салада жалғастырса да, түлектерді әрқашан штаб шаңырағы біріктіріп тұр.  
 40 жыл бойы үздіксіз жасалған жұмыс нәтижесінде штаб қабырғасы беки түсіп, өз дәстүрлері де қалыптасып үлгерді. Штабта әр оқушы өзін еркін әрі талантты сезінуіне бар жағдай жасалған. Әр штабист шығармашылық әлемінің есігін ашқан аяулы ұстаздарын мақтан тұтады. 
 40 жылдық мерейтой – кезекті есеп беру кеші ғана емес, Светлана Евгеньевна мен Курочкин Андрей Станиславовичтің сан жылғы ерен еңбегінің жемісі. Олардың өз ісіне деген адалдығы мен әр баланың балалық шағын естен кетпестей етуге тырысуы штабты гүлдендіре түсті.

40 жыл ішінде штабисттер ұйымдастыруымен жасалған әр түрлі жазғы жобаларға 32 мыңнан астам бала қатысып, өз демалысын қызықты әрі пайдалы өткізді. Бұл жобалар штабисттердің педагогикалық қабілеттерін шыңдауға да таптырмас мүмкіндік болды.  Ал қазір штаб қабырғасында 125 оқушы тәлім-тәрбие алып жатыр. Аудандық тәлімгерлер штабының 40 жылдық мерейтойы «Алатау» дәстүрлі-өнер театры сахнасында өтті. 
Мерейтой барысында «Комиссарлар» штабы өз жұмысына есеп беріп, әр жылы штаб қабырғасынан түлеп ұшқан аға буын өкілдерінің парадын жасады. Оқушылар үйінің шығармашылық ұжымы, Оқушылар үйлерінің директорлары, Бостандық ауданы Управления образования мен Коммунальное ҚБЖТО өкілдері де мерекеден қалыс қалмай, өз құттықтауларын жолдады. 
Шабисттерге шығармашылық табыс, қажымас қайрат тілейміз! Мерейтой құтты болсын!