18
январь
2024
Ә.ҚАСТЕЕВТІҢ 120 ЖЫЛДЫҒЫНА АРНАЛҒАН ХАЛЫҚАРАЛЫҚ БАЙҚАУ
Биыл әйгілі қылқалам шебері Әбілхан Қастеевтің туғанына 120 жыл болды. Соған орай ұйымдастырылған халықаралық байқауға "Таң-Шолпан" изо-студиясының 6 оқушысы қатысып, бақ сынады. Оқушыларымыз "Сәндік-қолданбалы өнер" номинациясымен марапатталды.
Әбілхан Қастеев - қазақ бейнелеу өнерінің негізін салушылардың бірі. Ол өз суреттері арқылы өмір сүрген кезеңінің көкейтесті мәселелерін көтерген. Қылқалам шеберінің көркем туындыларында көшпелі ғұмыр кешкен қазақтармен қатар, халқымыздың қалалық өмір салтын ұстана бастаған кезеңдері де шебер суреттелген. "Түрксіб", "Медеу" сынды суреттері жаңа заман көшіне ілесіп, қалалық өмір салтына аяқ басқан қазақ қоғамын көркем түрде бейнелесе, "Шоқан Уәлиханов", "Амангелді" сынды туындыларымен қазақ тарихында өшпез із қалдырған тұлғаларға өнер кеңістігінде қайта жан бітірген.
Бұндай ұлы тұлғаларымыздың шығармашылығын жас таланттар арасында ұлықтауға арналған іс-шаралар оқушылармыздың таным көкжиегі кеңейіп қана қоймай, өз ісіне шабыт беретініне сенімдіміз! Жас суретшілерге ақ жол!
![](http://3.okushylar-uyi.kz/uploads/posts/2024-01//1705551295_whatsapp-image-2024-01-17-at-19_04_41.jpeg)