Оригами – қағаз бүктеу өнері
Ағымдағы жылдың 20 маусымында №3 Оқушылар үйінде жазғы лагерьге келген балалар жетекшілері Г.И. Меликованың «Оригами-ертегісін» тыңдап, қағаз бүктеу өнеріне деген қызығушылық танытты. Оригами – қағаз бүктеу өнері. Сиқырға ұқсайды, неге десеңіз, бірнеше минут ішінде қарапайым қағаздан керемет фигура пайда болады.
Оригами көмегімен балалар ойнауға болатын бүкіл әлем оңай және тез құрылады. Балалар бөлмені безендіріп, барлығын қуантатын ертегі кейіпкерлерінің жарқын бейнелерін жасады.
Нәтижесінде үйірме қатысушылары кейбір әрекеттермен байланысты болатын ертегіні оңай есте сақтап алды. Қағаз бүктеу арқылы өткізілетін ойындар моториканы, ақыл-ойды дамытуға және сонымен бірге уақытты тиімді өткізуге мүмкіндік береді.
Оригами жасау өнері бүлдіршіндердің саусақтарының икемділігін арттырады. Баланың ой-өрісінің дамуына, мидың оң жақ және сол жақ жартышарларының белсенді жұмыс жасауына және көркем жазуына оң ықпал етеді. 
Оригами ертегісі – логикалық есте сақтау қабілетін, зейінділікті, тапқырлықты, табандылықты, қиялды жақсартуға мүмкіндік беретін қызықты ойын. Балалар қағазды бүктеу арқылы әртүрлі аңдарды, құстарды, гүлдерді ынтамен жасады.