Менің сүйікті Астанам!

Елорда күні қарсаңында қаламыздағы №29 балалар кітапханасында №3 Оқушылар үйі мен кітапхана ұжымы бірлесіп «Арман қала – жыр құшағында, ән қанатында» әдеби-сазды кеш ұйымдастырды. Шараның негізгі мақсаты: талантты және дарынды балаларды қолдау, балалардың шығармашылығы мен көркем қиялының дамуына ықпал ету.

Іс-шараға Жазушылар одағының мүшесі, «Құрмет» орденінің иегері, профессор Дандай Ысқақұлы, Жазушылар одағының мүшесі, жазушы, драматург Нұрлан Қами, Халықаралық қазақ-қытай тіл колледжінің кітапханашысы Бейбіт Тасбулашова, №3 Оқушылар үйінің «Балдырған» бейнелеу өнері үйірмесінің жетекшісі Жанбота Куленов қатысты.

№3 Оқушылар үйінің «Балдырған» бейнелеу өнері үйірмесіне қатысатын жас суретшілер Куленов Жанбота Серікұлының жетекшілігімен «Менің сүйікті Астанам!» тақырыбында сурет салды. Әрқайсысы Елордамыз жайлы ойын білдіріп, оны қағаз бетінде өрнектеп, Астананың негізгі айшықтарын бейнеледі.

Кеш барысында «Орбита» ықшам ауданында орналасқан №145, №40, №68, №45 мектеп оқушылары №81 «Күншуақ» балабақшасының бүлдіршіндері ән-жырдан шашу шашып, мәнерлеп өлең оқыды.