№3 Оқушылар үйінің балалары театр әлеміне саяхат жасады

Бүгін балалардың жазғы демалысын тиімді өткізуін ұйымдастыру мақсатында №3 Оқушылар үйінің  «Күн әлемі» халық би ансамблінің жетекшісі  Меруерт Алимбетова мен Спорттық балдық би клубының жетекшісі Роман Пахомов үйірмеге келіп жүрген балаларды Алматы Мемлекеттік қуыршақ театрынан  «Көңілді қонжықтар» ертегісін көруге апарды. 

Қуыршақ театрына № 3 Оқушылар үйінен отыз шақты көрермен жиналды. Ертегі басталмас бұрын театрдың аниматорлары балалармен көңілді ойындар өткізді. Алматы Мемлекеттік қуыршақ театрының ұжымы қызықты, әрі тәрбиелік маңызы бар екі қонжықтың іс-әрекетін көрсететін қойылымын жас көрерменге арнады.

             Тәрбиелік бағыттағы қойылым жас бүлдіршіндердің жақсылық пен жамандық, әділет туралы көзқарастарын қалыптастыруға ықпал етті.