"АЛТЫН САҚА" ОЛИМПИАДАСЫ: ҰЛТТЫҚ ОЙЫНДАРДЫ ЖАҢҒЫРТАЙЫҚ

Коммунальное Бостандық аудандының білім бөлімі мен №3 Оқушылар үйінің бастауымен аудан мектептерінде “Алтын сақа” олимпиадасы өтіп жатыр. “Алтын сақа” олимпиадасының негізі мақсаты: ұлттық ойындарды дәріптеп, қатысушыларды қырағылыққа, табандылыққа баулу. Олимпиада барысында қыздар “Бес асық”, ұлдар “Бес табан” ойынын ойнады. Бұл ойындар - табиғатпен тел өскен дала халқының сан ғасырлық мұрасы. Өскелең ұрпақтың ұлттық ойындарға деген қызығушылығын ояту - түп тамырымызға оралуға деген қадамдардың бірі. Информациятық шекаралар жойылып, өркениеттер қақтығысына ұшыраған ғасырда ұлтты сақтап қалу үшін жасалған кішкентай қадамдар да ұлы мақсатқа жұмыс істейді деп білеміз. 

Олимпиаданың іріктеу кезеңдері №23, №140, №63, №40 мектептерде өтіп, мыңнан тұлпар, жүзден жүйрік шыққан қатысушылар финалға жолдау алды. Сайыстың соңғы кезеңі 30-қараша күні өтеді. Финалға жолдама алған оқушыларға сәттілік тілейміз!