МЕРЕЙЛІ МЕРЕЙТОЙЛАР: ӘБІЛХАН ҚАСТЕЕВТІҢ ТУҒАНЫНА 120 ЖЫЛ!

Коммунальное Управления образования №3 Оқушылар үйінің ұйымдастырумен басталған «Мерейлі мерейтойлар» жобасы аясында Әбілхан Қастеевтің 120 жылдық мерейтойына орай №3 ОҮ оқушылары Әбілхан Қастеев атындағы мемлекеттік өнер мұражайына барып қайтты. Іс-шараға «Балдырған» сурет үйірмесі, «Зерде» оқырмандар клубымен қатар, ата-аналар де белсене атсалысты. Үйірме жетекшілері: Куленов Ж.С, Нұрсапа А.К. 

Әбілхан Қастеев-қазақтың әйгілі кескіндемешісі, график-суретші, қазақ бейнелеу өнерінің негізін салушылардың бірі. Ол суретші ретінде өзіндік дара қолтаңбасымен ғана ерекшеленіп қоймай, туған жері мен өскен елін перзенттік махаббатпен жырлай алған біртуар суреткер. 

Мұражайда балалар суретшінің өмір және шығармашылық жолымен танысты. Сурет беттерінде қалған өз елінің тарихи оқиғалары мен тарихи тұлғаларын тамашалады. 
Бұндай іс-шаралар балалардың рухани әлемін байытып, өз халқының мәдениетіне деген махаббатын оятады деп сенеміз!