Табиғат аясындағы сабақ
Шілденің 28-і № 3 Оқушылар үйінің «Балдырған» бейнелеу өнері үйірмесінің жетекшісі Жанбота Куленов балалармен кезекті сабағын қаланың орталығындағы саябақ аймағында орналасқан «Atakent Mall» сауда, ойын-сауық орталығында табиғат аясында өткізді.
Бұл шығармашылық сабаққа қатысқан он беске жуық бала жаз тақырыбына деген өз ойларын түрлі-түсті қарындаштарымен, қылқаламдарымен салды.
Балалар өз суреттерінде көгілдір аспанды, баршаға нұрын шашқан күнді, ғажайып табиғатты, жайқалған ағаштарды, гүлдерді бейнеледі. Табиғат аясында сурет салу сабағы өте әсерлі өтті.
Балалар өздері бейнелеген жайдарлы жаз мезгілі мен табиғат көріністері туралы әңгімелеп берді. Сабақ аяқталысымен балалардың ойын алаңында ойнап, ата-аналарымен бірге жайма-шуақ тамаша табиғат аясында кітаптар оқып демалды. Бейнелеу өнері үйірмесінің бұл сабағын балалар тамаша өткізіп, көтеріңкі көңіл-күймен тарқасты.
